Øll eru vælkomin at luttaka. TOP RUN er motiónsrenning. Tað vil siga, at øll, sum javnan motiónera, kunnu vera við. Nærum øll sum hava luttikið í TOP RUN hesi árini, hava gjøgnumført renningina, so tað er ikki ein ógjørlig uppgáva. TOP RUN er tó ein avbjóðing, tí teinurin er í mótbrekku nærum allan vegin.Tíðaravmarkingin er 1 tíma og 45 min.
Renningin byrjar við Effo-støðina í Kollfjarðardali (75 metrar yvir havinum) og endar á Sornfelli (680 metrar yvir havinum), eitt strekki, sum er 9,8 km. Renningin verður býtt sundur í fýra bólkar og luttakarar skulu vera fyltir 14 ár fyri at luttaka. Gevið gætur - tað er pláss fyri 100 luttakarum:
Ein vatnpostur er á hálvum vegi niðan.
Trý tey fyrstu í hvørjum bólki fáa heiðursmerki, men øll, sum gjøgnumføra, fáa hvør sítt luttakarheiðursmerki, sum er gjørt til høvi. Luttøkugjaldið er 150 kr. við on-line tilmelding. Seinasta freist at melda til on-line, er leygardagin 4. juli kl. 22.00. Tilmelding kann eisini fara fram á Effo støðini í Kollfjarðadali frá kl. 16:30 til 17:00, á kappingardegnum. Tá er prísurin tó 200 kr.
Tá komið er á mál, er okkurt leskandi at fáa, umframt ein heitur drekkamunnur við kaku afturvið. Skiftiklæðir verða koyrd niðan á Sornfelli, meðan runnið verður so tey eru har tá komið er á mál. Bussur koyrir luttakarar omanaftur aftaná renningina. Bussarnir koyra tó ikki oman aftur fyrrenn øll eru komin á mál, so minnist til skiftiklæðini, tað kann verða kalt.
Gevið gætur! Fyri at koma við á úrslitalistan og fáa luttakaraheiðursmerki, mugu luttakararnir verða komnir á mál kl. 19.15.
Startnummur kunnu heintast í Effo-støðini í Kollfjarðadali sunnudagin kl 16-17.
Tilmeldingin fer fram her: